عرض كوبز لا تحطه جدامي 🍫 هذا مو بوكس حق اللي يقول: “بس قطعة وبوقف”… لأن أول ما ينفتح، بتلقون كل واحد يمد إيده على نكهته المفضلة 😂 كاكاو كوبز بوكس مرتب فيه 54 قطعة كاكاو بحشوات تفتح النفس: برلين بندق، بستاشيو، فول سوداني سنيكرز، وكندر. كل قطعة بطعم غير… مرة قرمشة، مرة كندر، مرة بستاشيو، ومرة طعم كاكاو يخلي القعدة تحلى أكثر. يناسب القهوة، الزوارات، اليمعات، والدوام… بس نصيحة من ذا روف: لا تحطونه جدامكم إذا ناوين تخلون منه حق بعدين 😉 اطلبوه الحين قبل لا يصير السؤال: كوبز وين راح؟

عرض قهوتج بتزعل بدونه - جافا قهوة العصر لها طقوسها… مو بس فنجان ينحط على الطاولة وخلاص. القهوة تبي شي مالح خفيف يفتح النفس، وبعده حلى صغير يخلّي القعدة تكمل على مزاج. عشان جذي سوّينا عرض جافا؛ عرض يجمع لج الضيافة اللي تضبط القهوة من أولها لآخرها. بوكس ميني فطاير مرتب، خفيف، ومناسب للبداية، ومعاه بوكس كاكاو بنكهات غنية تعطي كل ضيف طعم مختلف مع فنجان القهوة. العرض يحتوي على بوكس كاكاو 54 قطعة بحشوات متنوعة: بستاشيو كرمل، كندر نسكافيه، وسنيكي سولتي. ومعاه بوكس ميني فطاير 42 قطعة بحشوات مختلفة: خلطة جبن فيتا بالمكسرات، زعتر بالسمسم، جبن رمان، لبنة زعتر، وخلطة اللبنة بالذرة. اختيار مثالي لقهوة العصر، زوارات الأهل، اليمعات الخفيفة، أو أي قعدة تبين فيها ضيافة جاهزة تجمع بين المالح والحلى بدون ما تكون ثقيلة. اطلبيه الحين… لأن قهوتج فعلًا بتزعل بدونه.

بايتس كندر كرنش — قرمشة كندر تخلّي القهوة أحلى فيه حلى ينحط مع القهوة عادي… وفيه حلى من أول قطعة يخليج تقولين: هذا لازم ينعاد. بايتس كندر كرنش يجمع بين بايتس المكسرات الغني، صوص الكندر الكريمي، وقطع الكندر مع صوص الكندر الكرسبي، عشان كل لقمة تعطيج مكس لذيذ بين الحلى، القرمشة، وطعم الكندر اللي الكل يحبه. اختيار مناسب لقهوة العصر، الزوارات الخفيفة، الدوام، أو لما تبين حلى مرتب ينحط على الطاولة وينخطف بسرعة. اطلبيه الحين وخلي ضيافتج بطعم كندر وقرمشة ما تنمل.

عرض دبل الوناسة — لأن القعدة الحلوة تحتاج وناستين: حلو ومالحبعض الزيارات ما يكفيها صنف واحد… تبين شي يونس اللي يحب الكاكاو، ويرضي اللي يدور المالح، ويخلي الطاولة كاملة من أولها لآخرها. عشان جذي سوّينا عرض دبل الوناسة.عرض يجمع بين بوكس كاكاو 54 قطعة بنكهات محبوبة وغنية: برلين بندق، بستاشيو، فول سوداني سنيكرز، وكندر.ومعاه بوكس ميني فطاير سبيشل 45 قطعة بحشوات متنوعة تفتح النفس: جبن فيتا، باذنجان، زهرة مع بطاط، لبنة رمان، وبيتزا.يعني بالعرض هذا، ما تحتاجين تفكرين وايد: حلى يكمّل القهوة، ومالح يفتح النفس، وتنوّع يرضي أكثر من ذوق بنفس الوقت.هذا مو مجرد عرض… هذا حل جاهز للي تبي ضيافة مرتبة، متنوعة، وتخلي كل واحد على الطاولة يلقى الشي اللي يعجبه. اطلبيه الحين وخلي الوناسة دبل على طاولتج.

عرض نوقا لا تضغط إذا يوعان 🍫 تقول وحدة من بنات ذا روف: كنت قاعدة أطلب من الموقع، وأمي شافت الاسم وقالت لي: لا تضغط إذا يوعان؟ شنو هالعرض بعد؟ 😂 قلت لها: يمّه هذا مو أي كاكاو… هذا نوقا، بوكس كاكاو بلجيكي مرتب بـ 4 حشوات تخليج تحتارين من وين تبدين. بستاشيو أوليفر المقرمش، دولسي كرمل بالتوفي المملح، ويفر النوتيلا، وبسكويت الكرمل مع الكرسبي ✨ فتحت لها الصور… قالت: “إي لا، هذا ينطلب حق القهوة… بس لا تحطينه جدامي” 😋 كل قطعة لها طعم غير: مرة قرمشة، مرة كرمل، مرة نوتيلا، ومرة بستاشيو يونس. يناسب القهوة، الزوارات، اليمعات، واللي يقولون: “بس قطعة وبوقف”… وهم أول ناس يخلصون البوكس. لا تضغط إذا يوعان… لأن نوقا مو بس ينشاف، نوقا ينطلب 🤍